Sizin arzu siyahınız boşdur.
2023-12-05
Dermatini və ya dəri üzlüyü olan yumşaq mebelləri əvvəl sabunlu suda isladılmış, sonra isə təmiz suda isladılmış nəm əsgi ilə silirlər. Daha bir üsul: suya bir az sirkə əlavə edin.Əgər yumşaq mebelə saqqız yapışıbsa, saqqızın üstünə plastik paketdə buz qoyun və sonra küt bıçaqla qaşıyıb təmizləyin.Qəhvə ləkəsini sabunlu suda isladılmış əsgi ilə təmizləyin. Qan ləkələri adi soyuq su ilə asan təmizlənir.Mürəkkəb ləkəsini asetonla yox etmək olar.Əgər qırmızı çaxır tökülübsə, dərhal mayeni qurudun. Sonra yaş ləkənin üstünə duz səpin. Duz çaxırı canına çəkəndə və ləkə quruyanda tozsoranla ehmalca təmizləyin.Əgər yumşaq mebelə yağ ləkəsi düşübsə, ona dərhal çoxlu duz töküb bir qədər gözləyin, duzu yığın və ləkəni spirtdə isladılmış süngərlə ehmalca silin.
