Sizin arzu siyahınız boşdur.
2022-03-01
1 mart 2022-ci il tarixində Qarabağ Dirçəliş
Fondu, “Opalus Partners Group” və “Geopro” şirkətlərinin birgə təşkilatçılığı
ilə işğaldan azad olunmuş ərazilərin bərpası və yenidən qurulmasına dəstək
olmaq məqsədilə “korporativ ianəçilik mədəniyyətinin təşviqi” mövzusunda fikir
mübadiləsi görüşü keçirilib.
Tədbirin əsas məqsədi ianə mədəniyyətini
təbliğ etmək, bu mövzuda maarifləndirmə aparmaqla şirkət daxilində işçi heyətin
funksional aktivliyini, mədəni, mənəvi və milli dəyərlərə sadiqliyini artırmaq
və Qarabağın dirçəlişi uğrunda həmrəylik göstərməyə təşviq etməkdir.
Ölkənin
aparıcı şirkətlərinin iştirakı ilə keçirilən tədbirə Embawood MMC adından İşə qəbul
və karyera inkişafı şöbəsinin müdiri Aysel Səlimli və İctimaiyyətlə əlaqələr
üzrə menecer Aynurə Həsənova dəvət edilmişdir. Görüşdə Qarabağ Dirçəliş Fondu tərəfindən
Zəngilan şəhərində 500 ağacın əkilməsi üçün göstərilən dəstəyə görə
"Embawood" MMC-yə ianə sertifikatı təqdim olunub.
Xatırladaq ki, Vətən Müharibəsinin ilk
günlərində “Embawood” şirkəti Azərbaycan Respublikası Silahlı Qüvvələrinin
Yardım Fonduna 200 000 manat, “YAŞAT” fonduna 100 000 manat və Qarabağ Dirçəliş
Fonduna 100 000 manat məbləğində ianələr etmişdir.
Qeyd edək ki, şanlı Qələbə ilə nəticələnən
Vətən müharibəsində “Embawood” MMC-nin 46 nəfər əməkdaşı ordu sıralarına cəlb
edilmiş və vətən qarşısında olan vətəndaşlıq borclarını şərəflə yerinə
yetirmişlər.
Qarabağın bərpası və inkişafı istiqamətində həyata keçirilən layihələr tarixi Zəfərimizin davamıdır. Bu kimi təşəbbüslərə Embawood MMC öz dəstəyini göstərməyə hər zaman hazırdır.