Sizin arzu siyahınız boşdur.
2024-04-22
22 aprel 2024-cü il tarixində, “Embawood” əməkdaşları Masallı rayonunda “Yaşıl dünya naminə həmrəylik
ili” çərçivəsində Masallı rayon İcra Hakimiyyətinin dəstəyi ilə ağacəkmə
aksiyası həyata keçirib. Aksiyada “Embawood”
şirkətinin baş
direktoru Elşad Abbasov, Masallı Rayon İcra başçısı Araz Əhmədov və şirkətin
kollektivi iştirak edib. Aksiya çərçivəsində Viləş çayının sahilində 200 ədəd sərv
ağacı əkilmiş və suvarılması təmin edilmişdir.
Azərbaycanda ətraf mühitin mühafizəsi və
ekoloji mədəniyyətin formalaşması prosesinə töhfə verilməsi və ekologiyanın
qorunmasına xidmət edən fəaliyyətlər "Embawood" tərəfindən hər il həyata
keçirilir. Xüsusilə də, 2024-cü ildəki bu fəaliyyətlər Azərbaycan
Respublikasının Prezidenti İlham Əliyev tərəfindən “Yaşıl dünya naminə həmrəylik
ili” elan edilməsinə və COP29 kimi mötəbər beynəlxalq tədbirin keçirilməsinə təsadüf
edir.
Bildiyiniz kimi, Azərbaycanın 2030-cu ilə qədər
sosial-iqtisadi inkişafa dair beş milli prioritetindən biri “Təmiz ətraf mühit
və yaşıl artım ölkəsi” kimi müəyyən edilmişdir. Həmin prioritetə uyğun olaraq
yaşıllıqların bərpası və artırılması istiqamətində ölkə miqyasında bir çox işlər
aparılır. “Embawood” şirkəti və kollektivi olaraq biz də, bu istiqamətdə ağacəkmə
aksiyasından əlavə bir çox sosial layihələr ilə öz töhfəmizi verməkdə davam
edirik.
Qeyd edək ki, 1996- cı ildə fəaliyyətə başlayan ilk yerli mebel brendi olan “Embawood” Masallı, Xırdalan və Sumqayıt şəhərlərində, həmçinin Ukrayna , Gürcüstan kimi ölkələrdə şirkətin toplam olaraq 6 fabriki fəaliyyət göstərir. Azərbaycanın bütün regionlarında yerləşən 65 mağazası ilə müştərilərinə xidmət göstərən şirkət müştəri yönümlü strategiyasını özünün əsas prinsipi olaraq seçmişdir.