Sizin arzu siyahınız boşdur.
2021-10-22
20-22
oktyabr tarixlərində Bakı Ekspo Mərkəzində baş tutan "Rebuild
Karabakh" - 1-ci Azərbaycan Beynəlxalq "Qarabağın Bərpa, Yenidənqurma
və İnkişafı" sərgisində Embawood şirkəti də öz stendi ilə iştirak
etmişdir. Şirkət öz məhsullarını 3 gün boyunca yerli və xarici şirkətlərin
nümayəndələrinə və sərgi ziyarətçilərinə təqdim etmişdir. Sərgidə özəl mətbəx
mebelləri istehsalında yer alan Embakitchen brendi, ev mebelləri kateqoriyasında
məhsullar təqdim edən Embawood və Madeyra brendləri nümayiş etdirilmişdir. Özəl
sifarişlə ofis mebeli həlləri hazırlayan İdeal dizayn brendinin məhsulları
sərgi ziyarətçiləri tərəfindən böyük marağa səbəb olmuşdur. Embawood şirkəti
mebel istehsalçılarını xammalla təchiz edən Embapanel brendini də Baku Build -
26-cı Azərbaycan Beynəlxalq İnşaat sərgisinin iştirakçılarına təqdim etmişdir.
Sərgidə
Qarabağın yenidən inkişafı üçün müxtəlif məhsullar və həllər irəli sürülmüşdür.
Embawood şirkəti də həmçinin dövlətin bu istiqamətdə həyata keçirdiyi və
keçirəcəyi layihələrdə hər zaman öz töhfəsini verməyə hazırdır. Qeyd edək ki,
“Rebuild Karabakh” sərgi sahəsinin satışından əldə olunan gəlirin bir
qismi işğaldan azad olunan ərazilərin
bərpası və yenidənqurulması istiqamətində görülən işlərə dəstək olmaq məqsədilə
Qarabağ Dirçəliş Fonduna ianə ediləcək.